【文青長篇出沒注意】 是咁的，可能講你都唔信，
不過我唔同節目都講過好多次，我以前真係唔識講野，
亦好內向，中學希好多都係真事。
記得中四、五，受一個同學影響，成日比個講日文既鬼佬唔同既片我睇，
慢慢就跟左佢一齊玩，同學話：有個魔術師話過，魔術除左可以型同媾女之外，
最重要係可以帶到歡樂同希望比人，比人知道「無野係無可能。」；
當你見過一條友可以o係牆上面變個漢堡包出黎，隻手穿水族箱，
睇落又好似真係無野無可能bor!
我亦開始玩魔術。
作為一條死MK，除左識女仔，我又點會用魔術幫到其他人？
明明似個印度佬，都要去修幼眉，Color - Con，
有咁chok得咁chok。
久而久之，亦慢慢掛住玩同埋去捉弄其他人，
放低想用自己能力去幫人呢個諗法。
直到一兩年前，開始做直播，決定身體力行去証明「打機」係專業，
想開一條新既路出黎比年輕既巴打，比佢地知「夢想」唔係發夢先有。
努力左一段時間，亦開始上軌道，
仆你個街殺出一條網絡廿三條，
正諗緊「呢次真係要收皮喇」既時候，
希嫂話有個驚喜比我，原來係帶我去睇呢位啟發自己既偶像。
機緣巧合，o個位「講日文既鬼佬」請左我上台，
o係我面前做左一個當年令我落坑既魔術。
就o係呢個咁失意既時候，比到一個咁大既鼓勵我，
有無咁好彩？
如果我依家放棄，真係太對唔住大家，
對唔住自己過去咁多年既光陰。
呢張外人見到可能只係一張爛啤牌，
但對我卻有無限既意義。
最後，我想講一句：
「屌，片我就照剪，直播我就照做，
拉我丫笨柒。」
#cyrilmagic
#keepthemagicreal
Search